لە شاری مێردین لە ئەنجامی شەڕێکی چەکداری لە نێوان دوو خانەوادە ٣ کەس گیانیان لەدەستدا و ٧ کەسیش بریندار بوون.

رووداوەکە لە گوندی سەلاخ سەر بە شاری مێردین لە نێوان دوو خانەوادە رووی دا.

بە پێی ئیدعاکان، لە سەرەتا لە نێوان خانەوادەکانی ئۆنجەل و ئەربۆغا شەڕەقسە دەستی پێکرد و دواتر شەڕەکە گەورە بوو گۆڕا بە شەڕی چەکداری.

بە پێی زانیارییە سەرەتاییەکان، لە ئەنجامی شەڕەکەدا ٣یان بە سەختی ١٠ کەس بریندار بوون.

دوای ئاگادارکردن تیمەکانی تەندروستی و جەندرمە رەوانەی ناوچەکە کران.

بریندارەکان لە لایەن تیمەکانی تەندروستی رەوانەی نەخۆشخانە کران.

٣ کەس لە بریندارەکان بە ناوەکانی عبدالقادر تەمەن ٢٣ ساڵە، عبدالباقی تەمەن ٤٩ ساڵە و ئۆزجان تەمەن ٢٣ ساڵە لەگەڵ تەواوی هەوڵەکان گیانیان لەدەستدا.

تیمەکانی جەندرمە دەستیان بە جێبەجێکردنی رێنماییەکانی ئەمنی لە گوندەکە و بەردەم نەخۆشخانە کرد.(İLKHA)